Miembro Tim di Aresto

Punda—Algun miembro den Tim di Aresto no ta kontentu ku Minister Quincy Girigorie. Esaki ta relashoná ku pago pa un kompensashon èkstra. E minister a primintí di duna mas informashon riba e situashon i ta buskando un solushon pa e retraso durante di dos siman di yanüari.

E problema di e kompensashon èkstra ta un poko kompliká i lo tuma tempu na su enkargo. Ta trata bou di kua base hurídiko mester ehersé e pago. E base e hurídiko pa paga e miembronan di AT e kompensashon no ta eksistí pasobra e lei ainda ta den forma di konsepto. Pero kasi 3 biaha pa siman e miembronan di Tim di Aresto ta sali mardugá i pone nan bida na peliger i tambe den periodo di Covid. Pero e minister ke pusha pa paga e kompensashon anke e lei te den konsepto pero esaki no tin un base legal i por peligrá e posishon polítiko di Girigorie.

I no ta trata di e areglo di overtaim ku por keda utilisá tampoko. Sino durante kalamidat i pandemia tin un kompensashon èkstra i esei no ta reglá ainda.  Pero aparte di esaki bou di e miembronan mes tin tres forma di kompensashon kual ta diferensha den kua periodo a bira miembro di e unidat. Einan tin un problema den e areglo di 25% kompensashon. E minister tin un siman mas pa presentá un solushon sino e unidat ta drenta den stress i por bini bòikòt kalke momento. Ta kestion ta kuantu mas e tim ke warda.

Miembro di sindikato SAP, Amado Vilchez siman pasá a bai Minister di Hustisia pa yega na un diálogo. Si esaki no konkluí, no mester ekskluí un posibilidat ku Minister mester konfrontá e problema den korte. Pues e problema no ta un problema di sen. Na novèmber último, Hulanda a depositá 286 mion florin riba kuenta di gobièrnu. Na novèmber e gastunan di salario di gobièrnu tabata 86 mion florin i na desèmber 78 mion florin.