Back to Top
Vigilante banner image

Migrante kubano ta pèrdè su bida den aksidente na México


December 12, 2022 • 2 minüt pa lesa

Sitio di e insidente registrá den fin di siman tras di lomba.

CIUDAD DE MEXICO – Dos migrante a pèrdè nan bida, entre nan un kubano i otro 20 mas a resultá heridá despues ku un trùk di karga a bòltu na e estado di Veracruz, ost di México.

Den un komunikado, e Sekretaria di Protekshon Sivil a informá ku e aksidente outomobilístiko a sosodé na alrededor di 5 or di djasabra atardi, na e karetera Las Choapas-Cuichapa, na parti sùit di Veracruz. Esaki ta un di e pasonan práktikamente obligá pa migrante nan sentroamerikano ku ta purba yega Estádos Unídos.

Tabata na altura di e lokalidat di Ceiba Blanca, di e munisipio di Las Choapas, unda e trùk a bòltu. Ta trata aki di un trùk ku tabatin e inmigrantenan den e área di karga.

Ámbos víktimanan mortal a fayesé na e sitio di e aksidente mes. Entre esun nan heridá tin otro 20 diferente nashonalidat. Esaki nan a keda transportá pa hospitalnan den e zona.

E sobrebibientenan tur a revelá ku den e unidat tabatin masoménos 100 ekstranhero, kende nan den nan mayoria a hui for di e sitio di e aksidente, pa miedu di por keda detené i deportá bèk pa nan paisnan di orígen.

Agentenan di e Instituto Nashonal di Migrashon, Polis estatal i Fiskalia General di e Estado, a akudí na e sitio, pa asina inisiá ku e investigashonnan. Segun tur kos ta indiká, a determiná ku lo por ta posibel ku esaki a keda kousá pa un ekseso di velosidat.

Veracruz, debí na su ubikashon geográfiko, ta un di e punto nan stratégiko den e ruta di migrashon di Sentro Amérika rumbo Estádos Unídos, pa míles di ekstranhero ku tin di enfrentá mafia i gruponan dediká na sekuestro i ekstorshon.

Di luna di yanüari pa òktober di e aña presente, outoridatnan federal a reportá ku nan a realisá detenshon den teritorio di Veracruz, di mas ku 28.000 migrante.

Biaha será den un trùk ta un di e forma nan mas peligroso ku ta keda uzá pa migrantenan, pa krusa México rumbo Estádos Unídos, di forma klandestino. Esaki ta algu pa kua inkluso nan ta paga míles di dòler.

Apénas djabièrnè tras di lomba a kumpli un aña di e tragedia dia 9 dezèmber 2021, ora un trailer ku tabatin migrante abordo a bòltu na e kartera di Tuxtla Gutierrez pa Chiapa de Corzo, na e estado di Chiapas, loke a kousa morto di 56 persona.

Login