Human Rights Defense Curaçao a organisá anochi di informashon pa migrantenan sin papel sa kon na por yega na un seguro.

Willemstad,– E migrantenan sin dokumento di residensia na Kòrsou awor por kubri e kostonan médiko ku dos kompania di seguro. Esakinan ta Citizens Insurance i CG United. E posibilidat a surgi riba inisiativa di e organisashon di derechonan humano Human Rights Defense Curacao, HRDC.

Durante un reunion informativo spesialmente organisá, kaminda a duna informashon tokante di paketenan di seguro di salu disponibel, a asistí mas i ménos sesenta (60) persona interesá di diferente nashonalidat.

E anochi di informashon ta parti di un seri di presentashon di HRDC. E ophetivo ta pa promové e komprondementu mutuo i konsientisá e migrantenan di nan responsabilidat, meskos ku residentenan di Kòrsou i pa no ta un karga adishonal pa e sistema di salu lokal.