Back to Top
Vigilante banner image

Minister a invitá importadónan pa sinta na mesa


November 3, 2022 • 2 minüt pa lesa

Robin Martina: e proseso pa amplia Makutu Básiko ta tuma hopi tempu.

Parera, — Minister di Asuntunan Ekonómiko, Ruisandro Cijntje a invitá e Asosashon di Importadónan di Kòrsou, BVCA pa un reunion. Esaki ta lokual presidente di BVCA, Robin Martina a duna di konosé ayera durante un entrevista den e programa di Vigilante Ekonomia.

Manera ta konosi den un veredikto sivil di wes mr. Nootenboom, BVCA a gana gobièrnu di Kòrsou den un disputa pa ampliashon di e Makutu Básiko. Segun Robin Martina e proseso di ampliashon ta hopi mas kompliká lokual gobièrnu ta pensa. Pa por komprondé e polémika mas mihó, segun Martina mester komprondé ku na promé luga e definishon di “kota di kosta” apliká di gobièrnu ta diferente di lokual importadónan ta kalkulá. Gobièrnu ta sali for di punto di bista ku e kota di kosto riba kada produkto ta e kostonan rekurí te na momento e produkto yega na porta di depósito di importadónan.

Pero importadónan ta apliká un otro definishon i korektamente ta oumentá e kota di kosto ku kostonan rekurí na momento e produkto drenta depósito tambe. Ta trata di kostonan adishonal di e.o. labor, energia, interes riba kapital ets ets. I na momento r kalkulá e kostonan adishonal e senario ta kambia pa kada produkto individual den kada kategoria. Esaki ta unu di e motibunan mas prinsipal dikon, segun Martina e proseso pa yega na un ampliashon tei tuma hopi mas tantu i te rekerí hopi mas tantu koutela.

E inisiativa di gobièrnu pa sinta na mes ku e asosashon di importadónan ta un intento di apertura importante pa yega na un solushon. Segun Gobièrnu di Kòrsou, a;aparte di un preshon di parlamento, na e momentonan aki Kòrsou ta sintiendo efektonan negativo di Covid lokual ta rekerí mas produkto den e makutu básiko. Tabata e intenshon pa amplia e makutu, entrante 1 di sèptèmber, pero e kaso den korte a evitá esaki.

Login