Minister di Ekonomia Ruisandro Cijntje ta bisa ku Kòrsou mester sinta ku Hulanda pa atendé e asuntu di Visa, paso visa ta pone ku hopi hende no ta bini Kòrsou.

Willemstad,– Djaweps último imigrashon di Kòrsou a para un invershonista venesolano ku a yega na aeropuerto Hato.

Minister Cijntje ta bisa ku e situashon di e mener invershonista venesolano ku a yega Kòrsou ta un kaso aparte i despues di a tuma kontakto ku su kolega minister di hustisia Hato, a logra pa laga e mener drenta, mirando ku tabatin posibilidat pa regla esaki.

Minister Cijntje ta bisa ku e tin problema ku e echo ku Kòrsou ta eksihí visa pa hendenan ku ta bini for di diferente pais manera entre otro Venezuela i Santo Domingo.

Minister Cijntje ta sigui splika ku na Santo Domingo tin hopi invershonista ku kier bini, pero e asuntu di visa ta pone ku nan ta preferá di bai otro paisnan manera entre otro Miami i otro lugánan na mundu kaminda no tin mester di visa. Cijntje ta bisa ku ta hopi difísil pa un invershonista mionario tuma e molèster pa buska Visa pa bin inbertí aki na Kòrsou.,

Minister ta sigui bisa ku imigrashon korektamente no kier a laga e mener invershonista aki drenta debí ku e tin mas ku un aña sin bini Kòrsou i konsekuentemente su pèrmitnan a vense i e mester saka pèrmit nan nobo. Pues a laga e mener drenta tòg konforme lei i regla, pero e mener mester atendé su pèrmitnan nobo.

Minister Cijntje ta splika ku nos leinan ta antikuá i mester drecha nan, e ta bisa ku huntu ku minister Hato ayera nan mester a wak pa hasi tur kos segun lei, paso aki na Kòrsou, mester wak pa hasi tur kos segun lei paso tin hende ta sinta wak ku apesar di ku bo kier yuda un invershonista, pa nan reklamá.

E mandatario ta bisa ku pa loke ta e asuntu di visa ku ta ser otorgá pa Hulanda, e ta kere ku pa bo sali for di bo struktura estatal, e ta ser regla lei. E ta bisa ku e parti di ekonomia ta den nos mes man i nos mester sinta ku Hulanda pa splika nan ku e kos aki ta stroba hinter un desaroyo di un pais. Pues e asuntu di visa.