Back to Top
Vigilante banner image

Minister Cijntje: "Kompania Aqualectra ta un kompania sosial"


May 25, 2024 • 2 minüt pa lesa

Minister Cijntje a bisa ku durante periodo di Covid, un eks minister a bisa ku nan a firma pa re konektá tur awa i e hendenan aki no a sigui paga nunka mas.

Willemstad,– Minister Ruisandro Cijntje den su kontestanan na parlamentarionan a splika ku Aqualectra ta un kompania anónimo di gobièrnu ku su mes maneho i su mes hunta di komisario.

E ta bisa ku Aqualectra su trabou ta pa produsí awa i koriente di manera responsabel hasiendo ku awa tin un kalidat nesesario. Aqualectra no ta un kompania Sosial sinembargo si un kliente kai den problema tin manera pa yega na areglo di awa. Tambe Aqualectra tei pa detektá si e kliente tin lekkage i si ainda e kliente tin problema, Aqualectra ta dirigí nan pa SOAW.

Minister ta splika ku tin 1546 meter deskonektá for di ret di Aqualectra, únikamente 1022 ta deskonektá pa falta di pago i e ta bisa ku ta bon pa skucha e sifranan aki bon, paso ta papia di 4000 ets. E ta bisa ku bèrdat ta hopi, pero ta tres so di e 1022 aki ta na SOAW. Tambe tin klientenan ku nan mes ta pidi pa kita meter. 60% di esnan ku debe ta bou di 500 florin i sobra su saldo ta mas ku 500i pa falta di lekkage.

Tambe minister ta bisa ku durante periodo di Covid, un eks minister a bisa ku nan a firma pa re konektá tur awa, pero esaki a bai sin niun medida of algu pa evitá ku e hendenan aki ta sigui usa awa di forma indiskrina, pues nan no a paga awa mas i a sigui usa awa pa dos aña largu i nan awa a keda deskonektá.

E ta splika ku di yanüari pa aprel tabatin 27,.4 % di lekverlies i den 2023 e tabata 23% i esaki ta pa motibu di ladronisia i pipanan ku ta laga bai. E ta splika ku Aqualectra ta bezig ku e instalashon di mester di awa inteligente.  Minister ta splika ku Aqualectra ta ofresé diferente programa di konsientisashon pa komunidat pa usa di awa i koriente. Tambe minister ta bisa ku Aqualectra a hasi ehersisionan pa bai over na energia renobabel ku tin ku garantisá efisiensia i kalidat di produkshon.

Minister a bisa ku e planta na Fuik i esun na mundu ta den funshon, pero pa fin di aña lo saka e esun di mundu for di funshon pa hinka esun na Hato West den funshon. E ta bisa ku pues tur dos planta di awa di Aqualectra ta den funshon.

Minister ta splika ku tin 42% di meter inteligente di awa ta instalá i 12% di meter inteligente di koriente instalá. E ta bisa ku si un famia tin problema pa paga awa pa nan situashon finansiero, nan lo mester akudí na SOAW di manera ku nan lo por risibí yudansa.

Minister Cijntje ta bisa ku un kliente ku tin problema pa paga su awa, mester risibí guia kon pa sigui i no djis konektá su awa i laga e kos sigui bai, paso hopi biaha e mesun hendenan aki no ta paga areglo i konsekuentemente e debe ta sigui krese.

Login