Back to Top
Responsive image
E korant di pueblo

Minister Martina a pidi un siman pa kontestá preguntanan tokante Aqualectra


January 13, 2021 • 1 minüt pa lesa

Willemstad,– Minister Steven Martina despues di a skucha tur e parlamentarionan ku a hiba palabra i hasi pregunta na su persona komo minister responsabel pa e kompania di awa i koriente ku ta Aqualectra, a pidi un siman pa kontestá e preguntanan.
Mayoria di e preguntanan ku a ser hasi tabata tokante di kon Aqualectra ta bai evitá mas blackout i tambe kon Aqualectra ta bai rekompensá pueblo pa tur e tipo di dañonan ku a keda kousa pa e blackoutnan aki.
E minister a bisa ku e preguntanan tabata hopi i ku e ta kontentu ku esei, pero el a tuma kontakto ku su konseheronan i tambe ku Aqualectra i a yega na e konklushon ku nan mester di por lo ménos un siman pa kontesta e preguntanan. Presidente di parlamentu no por a hasi nada otro ku tabata di skòrs e reunion di ayera te ku un próksimo aviso.

Login