Durante e rueda di prensa Minister Martina a presentá e grupo ku nan ku nan lo enfoká riba dje pa e programa aki i tambe e ophetivo nan.

Punda– Durante rueda di prensa ku Gobièrnu a tene ayera den ora nan di mèrdia Minister Steven Martina i Minister Quincy Girigorie a lansa e programa nobo ku ta karga e nòmber “At Home in Curaçao: convenient working and living” ku ta un programa di kolaborashon entre ministerio di hustisia i ministerio di desaroyo ekonómiko.

Durante e rueda di prensa Minister Martina a presentá e grupo ku nan ku nan lo enfoká riba dje pa e programa aki i tambe e ophetivo nan. Tambe a hasi un bista general kon e programa ta hinka den otro i dikon ta importante pa skohe Kòrsou, minister a splika di e diferente eksigensia nan. E ophetivo nan ta inisiativa nan pa desaroyo ekonómiko. Paso atraves di e programa aki lo atraé hende nan di pafó ku por bin keda na Kòrsou pero nan trabou no ta na Kòrsou pero si den eksterior. Ku esaki Minister ke splika ku Kòrsou lo bai brinda nan un lokalidat pa nan por hospedá i e trabou ku nan ta ehersé riba un base diario ta pafó di Kòrsou.

Esaki ta krea pa Kòrsou desaroyo ekonómiko pero e hende nan aki lo mester kome, bebe i keda un kaminda i esaki ta generá devisas pa nos isla. Esaki ta un diversifikashon di nos ekonomia i ta un forma kaminda e ta elevá e desaroyo ekonómiko lokal, paso tòg e hende nan ta na Kòrsou i siendo nan ta na Kòrsou nan ta kontribuí e desaroyo en- general.

Segun Minister Martina nan a mira esaki komo un oportunidat hopi speshal i úniko pa asina Kòrsou por kai den e pida merkado aki i tambe tin sierto otro pais nan ku tambe a bai nos dilanti.  Debi ku mundu a bira ku awor nos ta basa riba digital, esaki a bira totalmente un merkado nobo. E konsepto di “remote workers” òf ku otro palabra “digital nomads” ta e tipo di empleado aki ta traha pa un kompania spesífiko ku no ta registrá òf establesé na Kòrsou, pero ta laborá pafó di un ofisina tradishonal. Esaki por nifiká traha tin biaha for di un otro ofisina independiente for di kas, for di un “coffee shop” òf den sierto kaso for di un siudat te na otro banda di mundu.