Back to Top
Vigilante banner image

Pietersz- Janga di bishitá na DSH, AVB i asuntunan Veterinario


July 5, 2021 • 1 minüt pa lesa

Willemstad –Minister di Salú, Medio Ambiente i Naturalesa, dr. Dorothy Pietersz- Janga, a bishitá mas servisio di su ministerio. Anteriormente Minister a bishitá i sera konosí na ofisina sentral di ministerio i G&Gz, i awor a toka turno ta Departamentu Salú Hubenil (DSH), AVB (ántes LVV) i asuntunan Veterinario.

Na DSH Minister a keda risibí pa dr. Hilmig Davelaar kual huntu ku e personal a elaborá ku Minister tokante trabounan di e servisio. Despues di esei Minister a haña un rekorido den e edifisio i demostrashon di instrumentonan ku ta keda uzá. Na AVB, despues ku Minister a sera konosí ku personal, a sigui un rekorido kaminda Minister por a tuma nota di e traktornan, animalnan ku AVB ta kria i proyekto di plantamentu. Na asuntunan Veterinario Minister a keda risibí pa dr. Arnold Dwarkasing ku mediante un presentashon a duna tur informashon relashoná ku e servisio. E bishita a ser klousurá e bishita ku un rekorido den e abatuar.




Login