Willemstad– Ayera mainta Minister di GMN drs. Dorothy Pietersz-Janga tabatin kombersashon ku Selikor tokante e di 2 tranche ku gobièrnu mester a paga nan. Tabatin algun puntonan ku ainda tabata falta klaridat riba dje pa Selikor por kumpli kuné.
Den e reunion Minister i su ekspertonan a pasa dor di tur e puntonan aki pa trese klaridat pa asina por kaba di finalisá e puntonan pa Selikor por haña e finansiamentu palabrá.
Tambe a bini e punto di “beheersovereenkomst” dilanti kaminda ku Minister Dorothy Pietersz- Janga a indiká ku e ta bai traha ariba huntu ku Selikor pa den e promé parti di 2023 partidonan yega na e “beheersovereenkomst” pa Selikor.