Esaki ta e edifisio di Gobièrnu ku ta para pa un tempu kaba bashí i Ministerio di SOAW ya a kuminsá e proseso pa tuma e maneho di e edifisio i asina bai hasié inmediatamente un “shelter”.

Willemstad,– Jason Fullinck ta splika ku den nan búskeda pa un edifisio pa por situá temporalmente e habitantenan di Cocowijk ku a keda sin dak riba nan kabes dia 28 di yanüari; Ministerio di Desaroyo Sosial, Labor i Bienestar a bin haña e edifisio aki ku ta keda den Otrobanda.

Un edifisio di Gobièrnu ku ta para pa un tempu kaba bashí; Ministerio di SOAW ya a kuminsá e proseso pa tuma e maneho di e edifisio i asina bai hasié inmediatamente un “shelter” pa momento di kasonan di urgensia. E edifisio por akapará mas o ménos un 25 persona.

Esaki ta un promé paso, pero lo sigui amplia paso Kòrsou mester di dak pa su suidadanonan na tur momento. Keda pendiente pa e “ántes i despues” ora nos pone e muebelnan nesesario den e shèlter.