WILLEMSTAD—Despues ku djabièrnè último tabatin apertura ofisial di e tereno di bala ku yerba i iluminashon di Jong Holland den bario di Mundu Nobo, ayera a tuma lugá un wega di futbòl amistoso, relashoná ku e parti di apertura, unda 2 minister lokal tabata den akshon, a enfrentando otro.

Ta trata aki di minister di entre otro deporte Steven Croes, kende tabata kiper di su ekipo di amigunan, ku a topa ku e ekipo konsistí di detenidonan riba nos isla, enkabesá pa minister di hustisia Quincy Girigorie i algun wardadó di prezu.

Esaki despues ku tabata e detenidonan ku a sòru pa e murayanan di e stadion a wòrdu di fèrf. E wega a keda dirigí pa rèfri Pedro De Souza, unda na final tambe tabatin tiramentu di pinalti.

Tur esaki ku portanan será i medidanan di seguridat estrikto, unda algun invitado i prensa deportivo por tabata presente i a gosa di e interkambio.