Back to Top
Responsive image
E korant di pueblo

Momentu situashon finansiero di pais ta por paga plaka di fakansi


June 14, 2021 • 2 minüt pa lesa

Willemstad,– Steven Martina parlamentario pa partido MAN ta bisa ku ta bon pa definí eksaktamente kiko kiermen ku e asuntu di pago di plaka di fakansi.

E ta bisa ku e análisis ku nana  hasi ta ku dia a traha e lei ku ta retené sèn di fakansi, a bisa ku e ta drenta na vigor 1 di yüni 2020. E ta bisa ku segun nan a analisá e lei, nan ta mira ku gobièrnu (minister Konket) a primera ku fakansi uitkering pa yüni 2020 ta wòrdu pagá i pues no mester tin konfushon riba e parti ei. E ta puntra si e fakansi uitkering di e pida luna di 2020 ta ser pagá.

E ta bisa ku a sigui analisá e proposishon pa paga i kobra plaka di fakansi i parti di e proposishon ta pa yüni 2022 paga 3% na empleadonan públiko na yüni 2021 ta kuminsá retené 6% di e plaka di fakansi ku mester paga yüni 2022. E ta bisa ku e tambe ta kere ku na momentu ku e situashon finansiero di pais ta pèrmití, esakinan lo mester por.

E ta puntra minister si e proposishon aki lo tin impakto riba presupuesto i si e presupuesto lo por tene kuenta ku e proposishon aki, si no a tene kuenta kuné, e kier sa di lo por bai tene kuenta kuné i si bai tene kuenta kuné por splika kiko e kambio di presupuesto ta pa karga esaki. Tambe e ta puntra minister di finansa ku si pidi un voorschot asina, kon e ta influensha e echo ku ainda Kòrsou mester di fondo di likidashon i ta pidi sosten di Hulanda.

“Pa Kòrsou por kubri su gastunan, gobièrnu mester pidi fiansa na Hulanda pa e por kubri e gastunan. Un proposishon asina aki, ki impakto e tin na e momentonan aki kaminda mester pidi yudansa na Hulanda”, señor Martina ta puntra.

Tambe e ta bisa ku den e lei artíkulo 4.1 i 10 ta ripará ku por tin sierto konfushon. E ta puntra si ta e intenshon pa gobièrnu bini ku LB nobo pa ku e lei aki konforme artíkulo 10 i ki dia parlamento lo por mira esaki.

Señor Steven Martina ta bisa ku nan ta na fabor pa e empleado públiko haña su plaka di fakansi paso kada chipchipi ta yuda i sigur den e tempu difísil aki. Di otro banda e ta bisa ku tin un lei na vigor ku ta a konsekuensha di e kombenio ku tabatin pa ku e kondishonnan ku mester a kumpli kuné. Ta importante pa sa di gobièrnu si ta bai kontinuá ku esaki, òf ta kita esaki di manera ku empleadonan públiko por haña nan plaka di fakansi kuminsando yüni 2021. Si no por splika dikon no i si hasié tòg splika kiko ta e konsekuenshanan.

Login