ETTEN-LEUR—Den un insidente ku hinkamentu na Etten-Leur un persona a pèrdè su bida mientras dos otro a keda heridá.

Polis a haña un mucha grave herida i un dama tambe heridá den e kas kaminda e insidente a tuma lugá. Polis ta konfirmá ku e tres viktimanan ta famia. Servisionan di emergensia a haña notifikashon alrededor di 5.00. Ora polis a yega na e sitio nan a haña un persona morto riba kaya. E dos heridonan a keda transportá ku ambulans pa hospital. segun Omroep Brabant polis a yega masalmente na e sitio huntu ku tres ambulans na e adres. No ta konosí ainda kiko presis a pasa den e bibienda. No tabatin detenshon.