Back to Top
Responsive image
E korant di pueblo

Kriatura di 6 aña ta pèrdè su bida durante diskushon den tráfiko


May 24, 2021 • 2 minüt pa lesa

Orange County —- Djabièrnè último na Orange County, agreshon serio den tráfiko, lamentablemente a kosta bida di Aiden Leos un kriatura di apénas 6 aña di edat. Un persona lo a lòs un tiru riba e outo di su mama, ku konsekuensia fatal pa Aiden. E suseso tristu aki a sosodé djabièrnè último den e tráfiko kongestiona di tur mainta na Orange County, California.

Shofùr di un outo blanku lo a sera e outo di mama di Aiden, e mama den su rabia lo a saka su dede meimei pa e dama shofùr den e outo blanku. E mama tabata riba kaminda hibando su yu skol, na e momentu ei. Segun prensa lokal di Orange County, posiblemente un okupante den e outo blanku, despues di a mira e mama di Aiden saka su dede meimei i a lo a lòs e tiru fatal. E bala a pasa dor di e bahul di e outo i a perforá e stul di patras i asina a alkansá e kriatura di 6 aña di edat na su lomba. E kriatura tabata sintá den un stul spesial pa mucha na e momentu ei. E mucha mesora a kuminsá grita i yora bisando ku e tin hopi doló den su barika. E mama di Aiden a kai den pániko i a para su outo banda di kaminda. E la hisa su yu i a keda kuné den su brasanan te ora ku un agente polisial ku a pasa riba e kaminda a bin yud’é reanimá e kriatura. 

Na momentu ku Ambulans a yega Aiden a kuminsá bira blou kaba, e la wòrdu hiba ku urgensia pa hospital, pero lamentablemente no a sobrebibí. Durante un konferenshá di prensa, e ruman grandi di Aiden, yorando tabata pidi e komunidat di Orange County pa por fabor yudanan haña e asesino di nan ruman chikitu, e ruman bou awa di wowo a rekòrdá su ruman hòmber chikitu komo un mucha hopi lief. Famia di Aiden Leos a pidi tur hende, pa porfabor yudanan haña e asesino. 

Login