Nèt dia ku e dama a hasi aña: Hòmber yalurs ta bora tur kuater tayer

Willemstad—  Polis mester a bai na un kas den aria di Amerikanen  Kamp pa un kaso di destrukshon.

Einan na momento ku un dama a yega na e adrès na unda e la stashoná su vehíkulo bai lag’é atras e la bin topa ku tur kuater tayer bora. Segun e dama ta netamente e hòmber ku e tin un relashon kuné a hasi esaki ya ku e la asta menas’é tambe. Ayera tabata nèt e dia ku e dama tabata di fiesta esta ku e la hasi aña i a opta pa bai sali un ratu ku su amiganan pa selebrá promé ku Toke den Keda dal aden. E hòmber ku no a keda masha kontentu ku e selebrashon den su rabia a bai na e kas di e amiga i a bora tur e kuater tayer di e dama su outo. E dama mester a stashoná su outo na kas di e amiga pa asina bai huntu ku su amiga den outo lagando su mes vehíkulo atras. Polis a presentá i a keda enkargá ku e investigashon.