Willemstad,– Despues ku e hues a indiká ku e ròl di akusado Ingemar Nicolina no ta opvio ta difísil pa dun’é un kondena.

Awe korte a dikta Ingemar Nicolina liber for di tur akusashon. Ta trata di di un investigashon ku yama Grand ku ta trata di 19 atrako den mes un área riba personanan di edat avansá, outoridatnan a hasi diferente detenshon den periodo di investigashon penal. Den korte di promé instansha fiskal a hasi un demanda di 8 aña di prizòn, pero Nicolina a keda kondená na 3 aña di prizòn. Hues  a haña Nicolina kulpabel solamente di e atrako ku violensha na kaya telegram.  

Apesar ku Nicolina a keda kondená den promé instante, korte di apelashon a desviá for di veredikto di korte den promé instante. Veredikto di korte di apelashon a dikta ku Nicolina ta keda deklará liber for di e akusashon di a tira atrako na kaya Telegram riba 27 di òugùstùs 2021.