Back to Top
Responsive image
E korant di pueblo

Nike a kibra kombenio ku Neymar paso e no kier a koperá ku investigashon


May 28, 2021 • 2 minüt pa lesa

BRAZIL—E kombenio entre e futbolista brasilero Neymar i representantenan di e marka di artíkulonan deportivo Nike, a keda posponé aña pasá, debí na un kaso di intimidashon seksual. Un ke otro despues ku tabata un empleada di e negoshi di artíkulonan deportivo ariba menshoná, ku tabata spònser di e futbolista, tabata esun ku a hasi e denunsia den e kaso.

Un ke otro unda ku e futbolista no kier a duna di su banda, koperando den e investigashon di e kaso. Esaki a keda publiká pa The Wall Street Journal, despues ku nan tabatin kombersashon i dokumentunan relashoná ku e kaso aki. Tur esaki unda ku tabata Hillary Krane, kende ta e periodista pa kasonan hurídiko di Nike, ku a konfirmá pa e korant, ku a kontrato ku Neymar a keda kibrá, despues ku e no kier a duna di su banda pa e investigashon den e kaso.

Tabata un suseso, unda e denunsiante ta indiká ku na aña 2016, e futbolista lo a trata na obligá su persona pa kumpli ku kosnan ku e no tabata deseá seksualmente, den su hotèl na New York.

Na e okashon ei, e empleada di Nike tabata hospedando, debí na aktividatnan di publisidat pa Nike, unda entre otro e mester a topa ku e legendario di basketbòl Michael Jordan i tabata e persona enkargá pa organisashon di e parti logístiko di e evenementunan, durante di e biahe.

Tabata na 2018 ku a hasi denunsia di e kaso, unda a inisiá ku un investigashon na 2019, kual finalmente e kaso a wòrdu suspendé debí na falta di prueba. Despues di e desishon di Nike, Neymar a yega na un akuerdo ku Puma. Durante di e investigashon Nike a posponé tur akuerdo, unda finalmente representantenan di e futbolista, tambe a ninga e sospecho ku tabatin den su kontra.



Login