Charetti Bryan a publiká un dicho ayera riba su ret sosial ku a hala atenshon di komunidat di futbòl na Kòrsou.

Brievengat—Eks vise presidente di FFK, Charetti Bryan riba un di su retnan sosial el a publiká “it’s not the stab in the back that hurts you. Its when you turn around…”

E post a lanta diferente reakshon den komunidat di futbòl na Kòrsou. Bryan normal sa pone su dichonan i distribuí nan tambe via di whatsapp, pero e simpel hecho ku e la kaba di tuma su retiro for di FFK, a lanta spekulashon i tin diferente vershon no konfirmá.

Ta spekulando ku a bin un kiebro entre e konfiansa di Bryan i Giffith, prinsipalmente despues ku Griffith lo tabata reuniendo ayera. “No ta bèrdat segun Griffith”. E presidente a bisa di tin kontakto normal  ku Bryan i no tin problema.

Un di dos spekulashon ta bisa ku na momento CONCACAF reklamá FFK i Ramiro dikon niun miembro di FFK a bini presentashon i training riba sertifikashon di lisensia, Ramiro lo a bisa ku e enkargo lo tabata di Bryan. Vigilante a app Bryan, pero no a risibi un reakshon. Riba esaki, Ramiro a duna un reakshon tambe. Segun Griffith, na ningun momento no tabatin training di Licensing, kual FFK a kompletá kaba sino di Pro League i pa e kursonan ei tambe nan tin tras di lomba. Pa tal motibu no tabatin kandidato di Kòrsou na e entrenamentunan.