Richeline Joe

Skalo—Presidente di Konseho Supremo Elektoral (KSE), Richeline Joe ta opiná ku dunamentu di pèrmit no por kai bou di outoridat di un KSE

E tópiko a risibi atenshon na momento ku lider di Pueblo Soberano Ben Whiteman , siman pasá a hiba krítika fuerte riba dos evento públiko organisá pa MFK, netamente riba dianan pa sostené lista. Segun Whiteman, mester introdusí na Kòrsou e sistema ku durante temporada di elekshon ta KSE ta enkargá ku dunamentu di pèrmit, sigur dirigí na eventonan polítiko.

Djabièrnè último, Joe a splika ku :nos mester ta kouteloso pa pone sierto restrikshonnan den man di KSE. Ta keda na kada organisashon polítiko pa midi nan responsabilidat riba e aspekto aki i finalmente e ta pensa ku no ta den kuadro di e tareanan di KSE pa atendé ku e responsabilidat di duna pèrmit. Pa esei, e pais tin e órganonan ofisial, Joe a duna di konosé.

Ben Whiteman