Back to Top
Responsive image
E korant di pueblo

Nos komportashon ta determiná ku nos ta pasa un Pasku i kambio di aña liber òf den un lockdown


December 9, 2020 • 1 minüt pa lesa

Willemstad,– Señor Ronny Cornelis a splika ku di parti di e tim di kontròl, nan a bin ta kontrolá for di despues ku gobièrnu anunsiá e medidanan.

E ta splika ku por lo general e aglomerashon na lugánan di Horeca a baha, paso nan no por bende alkohòl. E ta bisa ku konsumo di alkohòl tin biaha ta kambia komportashon di hende. Di otro banda e ta bisa ku aglomerashon na kas a tuma over i esaki tambe tin su rísiko kuné. Den kuadro di esaki, gobièrnu a hasi pa bini ku reglanan. E ta splika ku tin gruponan ku tòg ta buska pa aglomerá. Ta e intenshon pa komo komersiante bisabo ku na momento ku orario di sera yega, kumpli ku e reglanan, paso ta pa mitiga e oumento di Covid ta bini ku nan. Komo kliente ora bo bishita un establesimentu tene bo mes na reglanan i kòrda usa tapa boka.

No ta rekomendabel pa bo keda aglomerá. Dor di komportá i sigui e reglanan di gobièrnu, bo ta kumpliendo ku bo pais. “E situashon ta fèrfelu, pero ban sigui kuida i evitá aglomerashon, hasiendo esakinan nos por yega na deeskala”, pues Ronny Cornelis.“Pais tabata den un ‘lockdown’ algun tempu pasá, dia 14 awor ta bai tin evaluashon, ta nos komportashon ta determiná ku nos ta pasa un Pasku i kambio di aña liber òf den un lockdown”, segun Tio Ronny.

Login