Back to Top
Vigilante banner image

Obligashon ‘sneltest’ no ta konta pa Kòrsou i otro islanan


January 23, 2021 • 1 minüt pa lesa

 DEN HAAG—E ‘sneltest’ di Corona obligatorio pa pasaheronan ku ta drenta Hulanda no ta konta pa nos islanan di eks-Antia i 9 otro pais.

Asina gobièrnu hulandes a anunsiá despues ku a bira konosí ku KLM ta bai kanselá vuelonan di larga distansia pa motibu di e ‘sneltest’ di corona algun ora prome ku vuelo. E eksonerashon ta konta pa Kòrsou, Aruba, Boneiru, islanan BES, IJsland, Oustralia, Japan, Nueva Zeelandia, Rwanda, Singapore, Sur-Korea, Thailand i China. Pa e paisnan aki e PCR-test no ta obligatorio tampoko. E eksonerashon ta nifiká ku KLM por sigui bula riba e paisnan aki, pasobra no tin rísiko ku e personal mester keda tras pa motibu di ‘sneltest’. E último aki ainda KLM no por a konfirmá. Di tur manera vuelonan diario di KLM pa Kòrsou ta sigui normal. TUI ta bula dos biaha pa siman Hulanda-Kòrsou.

Login