Back to Top
Vigilante banner image

Ocho ekipo ya ta eliminá den e kualifikatorio di Concacaf


April 1, 2021 • 1 minüt pa lesa

CONCACAF – Un total di 8 selekshon di Concacaf ya a keda eliminá for di e torneo kualifikatorio pa mundial di Qatar 2022.

Despues ku djamars último a tuma lugá e enkuentronan di Concacaf, programá pa e promé rònt di e torneo eliminatorio pa mundial di Qatar, nos por bisa ku e selekshon di Aruba (B), Cayman Island(B), British Virgin Islands (C), Cuba (C), Dominica (D), Anguilla (D), Turks and Caicos Islands (E) i Bahamas (F) ta eliminá.

Tur ekipo, ku eksepshon di Haiti ku ta den grupo E, a realisá dos enkuentro durante e siman tras di lomba. Haiti a realisá un wega so mirando ku e ekipo di Saint Lucia a retirá for di e torneo.

Pues esaki sigur ta hasi e promé rònt di e torneo eliminatorio di Concacaf sumamente interesante i awor di e 29 selekshonnan ku ta den kontienda pa nan klasifikashon 21 lo lucha durante dianan 02, 04, 05 i 08 di yüni próksimo pa finalisá na promé lugá den nan respektivo grupo.

Logrando e promé lugá di nan respektivo grupo lo duna nan e derechi di kompetí, riba dianan 15 i 16 di yüni próksimo, den e di dos rònt di e torneo kualifikatorio di Concacaf rumbo pa mundial di Qatar 2022 .

Login