E brùg a keda konstruí for di 2011.

LA PAZ – Un total di ocho persona a pèrdè nan bida i otro seis mas a resultá heridá despues ku um brùg a kai den otro na e lokalidat den e region amazóniko di Beni, na e parti nortost di Bolivia.

E suseso a sosodé den oranan di djarason anochi na e munisipio di Santa Ana del Yacuma, ora ku e brùg Rapulo, di masoménos 130 meter, a kai miéntras un trùk tabata pasando na e sitio. Esaki segun loke a keda informá pa e alkalde Rocio Roca, den un entrevista na un kanal di televishon.

Segun esaki a indiká, kuater persona ku a resultá heridá a kai den esaki i lamentablemente dos famia di indígena di e komunidat di Turindi, ku tabata bou di e brùg, a pèrdè nan bida.

E alkalde a sigurá ku nan ta realisando tur e akshonnan pa asina por reskatá e kurpa nan.

Tambe a indiká ku e kuater persona nan ku a kai, tambe tabata biahando abordo di e trùk, miéntras ku dos indígena a logra salba nan bida, pa kua e kantidat di personanan heridá ta un total di seis.

E echo víktima nan mortal ta persona nan indígena tsiman ku tabatin kustumber di biaha konstantemente pa Santa Ana pa asina bende produktonan manera entre otro banana òf yuka, segun a keda indiká.

Esaki nan ademas a indiká ku e famia semper ta bini i keda na e sitio aki i na e momentu di e aksidente, esaki nan tabata bou di e brùg i a keda sorprendé pa e akto lamentabel aki.

Mas aleu a señalá ku a drenta den kontakto ku Gobernashon di Beni i ku entidatnan nashonal manera Vise ministerio di Defensa Sivil i Atministradó Boliviano di Kareteranan pa asina pidi yudansa di e kurpa.

Tambe ta kordiná e akshonnan aki ku polis Boliviano i base naval na e sitio.

E Konseho Munisipal di Santa Ana a aprobá un deklarashon di desaster munisipal pa asina fasilitá e yegada di yudansa departamental i nashonal.

Segun e alkalde, e kaida di e brùg a laga e munisipio inkomuniká di forma terestre, pa kua miéntras tantu ta buskando forma di fasilitá e tránsito na e sitio ku algun embarkashon.

E minister di Obranan Públiko, Servisio i Bibienda, Edgar Montaño, a indiká na medionan di komunikashon ku e brùg aki a keda konstruí na 2011, durante mandato di e  eks presidente Evo Morales, via di un programa “Bolivia cambia, Evo cumple” ku a keda finansiá den su mayoria ku donashonnan di e gobièrnu venezolano di e tempu ei.

E kosto tabata superior na 10.3 mion boliviano, masoménos 1.4 mion di dòler.

Segun e minister, ta trata aki di un brùg munisipal ku no ta parti di e ret vial fundamental di e pais, e Alkaldia di Santa Ana mester manda un nota pa ministerio pa asina por keda move mashin grandi i spesialistanan ku ta apoyá e rekonstrukshon.

Di su banda, e vise minister di Defensa Sivil, Juan Carlos Calvimontes, a splika ku a manda marino di Base Naval di Santa Ana pa apoyá den reskate di kurpanan sin bida.