Back to Top
Vigilante banner image

OM ta kanselá investigashon  kontra abogado  


November 1, 2022 • 2 minüt pa lesa

Kaso kontra abogado ta keda anulá debí na erornan severo di OM, hues i RST. 

Philipsburg- E investigashon “Aquamarine” a keda lansá na Sint Maarten, den luna di sèptèmber di aña 2016. E investigashon ta bou di e responsabilidat di Ministerio Públiko di Kòrsou, Sint Maarten, Boneiru, St. Eustatius i Saba. E investigashon a keda kondusí pa Recherche Samenwerkingsteam (RST).

Den e investigashon aki e abogado di Sint Maarten, B, tabata wòrdu sospechá di a kometé froude, falsifikashon i labamentu di  plaka. A tene entradanan hudisial den B su kas i tambe su ofisina di abogasia den fin di 2018 pa kuminsamentu di 2019 bou di e supervishon direkto di un hues supervisorio i un wes komisario. Durante e entradanan hudisial aki e hues a konfiská vários dokumento. B a entrega un keho na korte di promé instansha kontra di e entradanan hudisial aki bisando ku su derecho di privilegio komo abogado a keda violá.

Durante  e prosedura di keho ku ta kore di 2019 te ku awor a bin sali na kla ku diferente eror formal a keda kometé dor di Ministerio Públiko, wes komisario i tambe RST. E erornan aki tabata durante e entrada hudisial i tambe e atendementu ku dokumentonan ku a keda konfiská i data tokante abogado B su kantor di abogasia.

Despues di a konsiderá e sirkunstansha i echonan e fiskal a konkluí ku no solamente a violá abogado B su derecho di privilegio kual e abogado i su abogasia tin, pero tambe a violá su derecho riba un huisio imparsial i hustu.

E fiskal ta di opinion ku e fayonan kometé pa Ministerio Públiko, wes komisario i  RST ta asina severo ku Ministerio Públiko  ta konsiderá su mes inatmisibel pa sigui ku e huisio di abogado B. Pa e motibu aki e kaso kriminal kontra abogado B ta keda anulá.


#OM

Login