Back to Top
Vigilante banner image

Omar Gill: “No por tin dos Trabou pa Kòrsou”


May 10, 2021 • 2 minüt pa lesa

Punda— “No por tin dos Trabou pa Kòrsou”, esaki ta  lokual  Omar  Gill  sekretario i bosero di e partido polítiko Trabou pa Kòrsou a duna di konosé na Vigilante  ayera.  Gill  kende  tabata nr 2 riba nan lista pa elekshon  a  konfirmá  ku  un  karta  a  bai  pa  Rennox  Calmes unda ta eksigí pa e  stòp  di  uza  e  nòmber  di  Trabou pa Kòrsou.

Segun  Gill,  e  nòmber  di  Trabou   pa   Kòrsou   ta   un   nòmber  registrá  na  Ofisina  pa  Registro  Intelektual  na  Kámara  di  Komersio  miéntras ta e fundashon a paga pa  partisipá  na  elekshon.  Segun Gil, TPK tin un direktiva  i  ta  e  direktiva  ta  manehá  e  fundashon.  E  fundashon  tin  sr.  Sidney  Leito  komo nan presidente kende tambe  tabata  riba  lista  di  TPK figura na di sinku lugá. Riba  19  di  yanüari  último,.  Rennox   Calmes   a   wòrdu   registrá  komo  number  unu  riba  nan  lista  pa  partisipá  na elekshon. Na e posishon ei niun instansha no por kita Rennox Calmes i ta keda na parlamento  kiko  ta  e  mihó  opshon,  pero  mirando  Calmes no ta doño intelektual, ta hinka e grifir di Parlamento den un problema grandi.

Algu similar nunka a yega di sosodé ainda den historia. Segun   Glenn   Sulvaran   riba  su  facebook  personal,  e  mihó  opshon  lo  bira  pa  Calmes  drenta  parlamento  komo    miembro    individual    bou  di  frakshon  “Calmes”.  Un karta di deurwaarder durante  wikènt  a  prohibí  Calmes di sigui uza e nòmber i logo di TPK. Esaki den korte sivil  si  e  kaso  bai  korte,  pro  debilitá Calmes polítikamente lagando unu dje mihó opshonnan  pa  no  sigui  uza  e  nòmber ni logo dje partido. Den  e  karta  ku  Deurwaarder   a   entrega   Calmes   tin  stipulá  ku  e  no  ta  forma  parti  di  direktiva  di  TPK  ni  tampoko  miembro  di  TPK,  lokual  ta  nifiká  ku  e  no  por  sigui  uza  e  nòmber  ni  logo  di  TPK.  Ta  keda  na  parlamento di nan lo asept’é bou di e nòmber, pero lo bai tin konsekuenshanan  hurídiko  pa  Calmes  si  akaso  TPK  opta  pa  bai  parlamento  tòg  ku e nòmber.



Login