WILLEMSTAD,—-Pa medio di esaki, skol sekundario Omega College, ta partisipá ku su alumnonan ta den preparashon intensivo pa partisipá den e siman di kultura, kual ta inisiá 26 di sèptèmber próksimo.

Ya e alumnonan a bin ta orientá riba arte i kultura den e materianan ASW (Algemene Sociale Wetenschap) i KV ( Kunst Vak). Nan a traha riba konosementu di nan bario, músika i dansa di ántes i awor, historianan manera Buchi Fil i den CAV (Cultureel Artistieke Vorming), tambe ekspresá diferente emoshon i rasa pa medio di pintura.

Hinter skol ta preparando pa medio di otro materianan manera idioma, matemátika, geografia i otronan pa ekspresá kultura, ya ku kultura i arte ta biba den tur kos rondó di nos. Dia 30 di sèptèmber próksimo nan lo hasi demonstrashon di nan obra. Pues nan arte.

Omega College ta kere firme ku por yega na e alumno su emoshon i traha riba su ‘outo estima’, dor di laga e alumno konosé su kultura i di e mundu eifó. Mas aleu t’asina ku e evento ta kuminsá for di mitar di 8 di mainta i e ta programá pa tèrminá 12’or di mèrdia.

Vigilante Farándula, mes lo bai tei, pa asina kubri tur loke ku lo bai pasa riba e dia en kuestion i asina laga mundu wak, ku Kòrsou su kultura ta mas sendé ku nunka.