DEN HAAG—Mas di 150 hulandes i 35 organisashon a hasi opheshon kontra partisipashon di parlamentario Bosma (PVV) na konmemorashon sklabitut.

Dia 1 yuli lo pone krans den Amsterdam. Ta tradishon ku e presidentenan di Eerste ku Tweede Kamer tambe hasi esaki. Presidente Nooitmeer di instituto ku ta organisá e konmemorashon ta preferá pa Bosma no partisipá, pero Bosma no kier tende. Segun oponentenan di su partisipashon (Makkinga, Simons) pa 20 aña kaba Bosma ta plama un ideologia rasista eksplisito ku supermasia blanku komo punto di salida.  Nan ta splika ku e ta propaganda rasismo i tabata negativo riba konmemorashon di pasado sklabitut. Tambe Bosma i su partido PVV tabata kontra pa pidi diskulpa aña pasa pa pasado sklabitut. Presensia di Bosma dia 1 yuli ta un bòfta den kara pa tur esnan pa kua e dia ta di intenso nifikashon, segun oponentenan. E ta kita e balor pa e simolo di e dia. Nan ta pidi Tweede Kamer pa manda un remplasante pa Bosma. A manda invitashon p’e komo presidente di Tweede Kamer sin para ketu na su ideologia.