Willemstad,– Situá den edifisio di Omni Electronics, Optica Omni a habri su porta nan.

Ayera riba djabièrnè e tim tras di Optica Omni a kòrta nan sinta blou durante nan seremomia di apertura. Durante e apertura Mènedjer General Sonia Manglania a indiká ku e kompania Madre di Omni esta Unicomer tin mas ku 100 tienda di brel den vários pais. Pues segun Mangalia, e merkado di Optika no ta un industria nobo pa e kompania. Alabes tras di Optica Omni lo tin spesialidat,  eksperensha i teknologia establesé tras di e kompania.

https://fb.watch/kNSmCAhd4P/ (Video)

Mas aleu, Optica Omni lo tin markanan renombrá manera Ray-Ban, Armani Exchange i Guess. Un dje garantianan interesante ku Optica Omni lo ofresé ta e asina yamá “Perfect Fit Guarentee”, kaminda e kompania ta garantisá tamaño adekuá pa tur kliente ku kumpra brel.

Omni ta konosí pa ofresé klientenan finansiamentu atraktivo na kompra di produktonan elektróniko i meubel pa kas. Awor klientenan ku kumpra brel kumprá na Optica Omni tambe ta bin na remarke pa finansiamentu adekuá na kompra di un brel.