WILLEMSTAD, ——-. Orco Bank ta reafirmá su kompromiso ku ekselensia edukativo i bienestar pa komunidat via di partnership ku Sentro pa Inovashon i Guia Edukashonal (SIGE).

E aña aki, Orco Bank ta anunsiá ku orguyo su apoyo pa e proyekto “Duna un Man na bo ruman” un biaha mas, ku ta enfoká riba duna material i unifòrm di skol nesesario na muchanan ku ménos rekurso den nos komunidat, mientras nan ta prepará pa bai skol bèk den ougùstùs. 

Den su di 9 aña konsekutivo, inisiativa di SIGE a amplia su impakto, benefisiando 30 skol i 7 organisashon,

i ta distribuí 650 tas di skol di bon kalidat yená ku materialnan di skol ku ta nesesario. E enfoke di e aña aki ta inspirá muchanan pa bolbe huza nan tas di skol di aña pasá, enfatisando asin’ei riba sostenibilidat. Pues SIGE tambe a kontribuí den algun kaso ku material pa skol so. 

“Nos ta masha kontentu pa kolaborá ku SIGE un biaha mas pa empoderá muchanan via edukashon,”

Vanessa Chong a bisa, Marketing Officer di Orco Bank. “Edukashon ta esensial pa moldá un futuro mihó, i dor di duna muchanan e materialnan nesesario, nos ta kontribuí na nan éksito akadémiko i desaroyo personal.”

Apoyo di Orco Bank ta suprayá su ethos di Responsabilidat Sosial Korporativo (CSR), dunando prioridat na inisiativa ku ta stimulá desaroyo di komunidat i promové edukashon. Dor di kontribuí ku tasnan di bon kalidat, Orco Bank ta buska pa logra un impakto signifikante den bida di e muchanan ku SIGE ta yuda, i promové un un sosiedat mas ekitativo. 

“Nos ta ekstendé nos mas sinsero gratitut na Orco Bank pa nan dedikashon kontinuo na nos kousa,”

Ruthmila Obispo a ekspresá, Koordinadó B&C na SIGE. “Nan kontribushon ta permití nos hasi un diferensia den bida di mas mucha i nan famia.”

Orco Bank ta keda firme den su kompromiso pa krea kambio positivo den nos komunidat. Esaki ta reflehá den nos mishon pa duna aporte na e komunidatnan ku nos ta sirbi i nos meta pa krea un futuro briyante pa medio di edukashon. 

Pa mas informashon tokante Orco Bank, por bishitá nan website na https://www.orcobank.com/. Pa keda al tanto di postnan diario i notisia, siguí nan riba Facebook na https://www.facebook.com/OrcoBank òf

LinkedIn na https://www.linkedin.com/company/orco-bank/.