WILLEMSTAD,——. Orco Bank ta orguyoso di kuminsá un biaha mas ku e inisiativa pa Survivor pa e Ride, Walk, Run & Swim for the Roses 2025, ku e entrega di e promé T-shirt di Survivor na Stichting Prinses Wilhelmina Fonds.
Esaki ta subrayá e kompromiso di Orco Bank pa yuda sobrebibiente di kanser i honrá nan forsa i resilensia. E edishon aki di Ride, Walk, Run & Swim for the Roses ku lo tuma lugá riba djadumingu, 26 di yanüari, 2025, ta uni nos komunidat tur aña di nobo, den e lucha kontra kanser. Sobrevivientenan ku registrá trempan por risibí un T-Shirt eklusivo di Survivor, kortesia di Orco Bank. E partisipashon tambe ta komplementario. Asina nos ta selebrá nos Survivors nan ya ku nan ta simbolo di speransa i kurashi den medio di atversidat.
“Un Survivor ta e muestra di e spiritu di triunfo riba desafio di bida, i nos ta honrá pa para firme ku nos Survivors nan durante e momentu signifikativo aki di nan bida” Désirée Alberto – Martina, Managing Director na Orco Bank a bisa. “E entrega di e promé Survivor T-Shirt na Prinses Wilhelmina Fonds ta reflehá nos danki pa nan ròl vital den duna apoyo na pashèntnan di kanser den nos komunidat, i naturalmente nan famia.
Prinses Wilhelmina Fonds ta un fuente di speransa na Kòrsou, i ta ofresé apoyo inimaginabel i ku un valor inmenso na esnan ku ta afektá dor di kanser. E promé Survivor T-Shirt na mes momentu ta simbolisá e kolaborashon kontinuo ku Ride for the Roses Curaçao i nan dedikashon pa fortalesé kada sobrebibiente.
Nos ta invitá tur Survivir pa registrá awe i skohe e aktividat ku ke partisipá na dje, sea ta kana, kore, kore baiskel òf landa, i asina inspirá otro hende durante e dia aki! E promé 75 survivor ku registrá lo risibí e T-shirt exclusivo di Survivor mientras tin disponibel.
Pa registra, bishitá https://bit.ly/40muhOW. Huntu, nos ta uní di forma triunfante pa hasi un diferensia den e lucha kontra kanser.
Pa mas informashon tokante Orco Bank, por bishitá nan website na https://www.orcobank.com/. Pa keda al tanto di postnan diario i notisia, siguí nan riba Facebook na https://www.facebook.com/OrcoBank òf LinkedIn na https://www.linkedin.com/company/orcobank/.