Kolaboradónan di ORV i KPC durante e tayer

Willemstad—–Djarason 2 di novèmber ORV den estrecho koperashon ku Interpol Curacao i Stichting Slachtofferhulp Curaçao (SSHC) tabatin un tayer di Trafikashon i Kontrabanda di hende (Menshandel Mensensmokkel). Miembronan di KPC, ORV i Landsrecherche a partisipá na e tayer. 

Funshonarionan di Interpol i Stichting Slachtofferhulp Curaçao a duna e presentashon. Hefe di Initële Opleidingen di ORV sr. Djener Jansen di ORV a habri e tayer.  Kasi 60 kolaboradó di e kuerponan menshoná tabata presente. Funshonario di Interpol Curacao sr. Alger Haile a duna un presentashon amplio riba e parti internashonal i e detayenan ku ta pará den lei. Sr Haile a elaborá riba e parti di Trafikashon i Kontrabanda di Hende. Identifikashon di e viktimanan di trafikashon i kontrabanda di hende. Tabata un mainta hopi interaktivo ku presentashon oudio visual i ku hopi pregunta i interakshon entre e presentadónan i e kolaboradó di e kuerponan presente. E parti  ayudo i protekshon pa e viktima a keda presentá pa funshonarionan di Stichting Slachtofferhulp Curaçao. Na final tabatin entrega di sertifikado na kolaboradónan ku a partisipa na e tayer.

ORV/INTERPOL
Den luna di dèsember 2021 un delegashon di Interpol ku tin sede na Lyon (Fransia)  a bishitá ORV pa interkambiá riba vários tópiko. A interkambiá riba entre otro trafikashon i kontrabanda di hende (Mensenhandel en Mensen smokkel) i kon ta tene kuenta den trabou ku hende imigrante. Awor ORV den estrecho koperashon Interpol (Headquarters) i Interpol Curacao ta duna formashon i edukashon den e areanan ariba menshoná. Funshonario Haile a risibí training speshal serka Interpol Headquarters pa duna e tayer Trafikashon i Kontrabanda di Hende.