Back to Top
Vigilante banner image

Otro luna “swap deal” ku PDVSA ta programá


May 10, 2024 • 2 minüt pa lesa

Yüni: pa yüni ta spera produktonan kuminsá drenta, dependiendo di último desaroyonan entre Venezuela i Estádos Unídos.

Parera— Otro luna, konforme deklarashonnan den prensa, e promé entrega riba e “swap deal” entre PDVSA i Refineria di Kòrsou mester tuma lugá. Apesar ku Estádos Unídos, a bolbe restringí Venezuela, gobièrnu di Kòrsou a anunsiá ku e fluho di produkto lo sigui.

Na desèmber 2023 Refineria di Kòrsou a anunsiá un dil ku PDVSA a sera. Ta trata pago di un debe atrasá di PDVSA, kual lo tuma lugá den forma di entregá produktonan petrolero. E anunsio ta tuma lugá den kompania di demas miembronan den kabinèt Pisas II, na Amazia na Parera. Pisas a manda un invitashon ofisial na demas miembronan di su kabinete. Manera Vigilante a publiká na Novèmber último, bishita ku minister Charles Cooper i direktor di Refineria di Kòrsou, Patrick Newton a hasi pa Venezuela, riba aprobashon di Promé Minister Pik Pisas, a solushoná un problema mionario entre PDVSA i Rdk.  E problema aki lo ta tópiko di diskushon  pa dos motibu. Unu ta trata e repago na penshonadonan di Refineria Isla PDVSA BV i Kontratistanan. E di dos ta trata posibilidat pa Refineria di Kòrsou por kuminsá “trade” den produktonan petrolero.

Ta trata di solushon pa un problema ku tabata den korte di arbitrahe na Suisa, unda tabatin “contra claim” riba otro, for di kual Refineria di Kòrsou ta alegá un debe di PDVSA mas ku 500 mion dòler estado unidense. Cooper no a konfirmá e suma na Vigilante, kual tabata “disclosed” i no konfirmá tampoko kontenido di e kòmbersashonnan. Segun Cooper, representando akshonista di RdK e la hasi un bishita ku Patrick Newton pa Venezuela. Propósito di e bishita tabata pa negoshá e disputa entre RdK i PDVSA. Cooper alabes a menshoná ku na bienestar di e negosashonnan.

PDVSA na 2021 a inisiá un proseso den korte na Den Haag, kual tambe a keda rechasá. PDVSA a súplika pa eliminá ehekushon di embargonan imponé pa RdK, den kual petishon e no a logra. Chèns ta grandi ku úniko manera pa RdK por sera un akuerdo ku PDVSA pafó di arbitrahe ta posibilidat pa un “swap deal” unda ta interkambia debe pa produktonan petrolero. Pero pa por logra esei mester di un aprobashon di OFAC (Ofisina di Kontrolaria Aktivonan Internashonal Estado Unidense). No ta konosí si Refineria di Kòrsou a logra un aprobashon di OFAC, pero ta un hecho ku e kompania Global Oil Management Group si e apliká pa un lisensia OFAC pa por kuminsá importá krudo for di Venezuela. Pa Global e akuerdo nobo entre PDVSA i RdK ta bira unu interesante, kual segun representantenan di PDVSA ta kla pa entrega na Yüni próksimo.

Login