Back to Top
Responsive image
E korant di pueblo

Otro siman 24 febrüari ta kuminsá ku vakunashon na Kòrsou


February 19, 2021 • 1 minüt pa lesa

Willemstad,– Hopi hende ta puntra ki dia ta kuminsá ku vakunashon i señora Irálice Jansen a splika ku esaki lo ta djarason 24 di febrüari pues otro siman i lo vakuna 7 dia pa siman for di 8.30 te ku 5.30 atardi.

E promé gruponan ku ta  bini na remarke ta esunnan di 60 plùs i personanan ku ta traha direktamente ku pashènt. Personanan ku e siguiente kondishonnan tambe por haña e vakuna:

Asma/diabétiko, preshon haltu/ malesa króniko, ta dialisá, problema ku kolesteròl, ta bebe remedi pa hasi sanger delegá.

E grupo ku no ta bini na remarke pa haña e vakuna aki ta e grupo di hóbennan bou di 18 aña, hende muhé na estado i esnan ku tin alergia severo pa un di e komponentenan den e vakuna.

Señora Jansen  splika ku ta bai vakuna na SEHOS ku lo ta parti den dos parti, pues SEHOS 1 ku ta e parti di Poli/EHBO esta na entrada di Breedestraat i SEHOS 2 ku ta na ANA PAV, na entrada di Pater Euwensweg. Tambe lo tin dos trayekto ku ta esun di personanan indokumentá i klientenan di kas di kuido.

Señora Jansen kier e rekordá tur hende ku vakunashon ta grátis i tambe voluntario, pues niun hende no por ser obligá pa tuma e vakuna. For di awe por kuminsá registrá.

Login