Di e forma aki e vehíkulo tabata stashoná den e kura di kas na Haitiweg.

Buena Vista— Polis mester a bai na Haitiweg unda a bin topa ku un vehíkulo prosedente di ladronisia patras di un kas bandoná.

Den oranan di atardi Polis a haña e informashon ku patras di un kas bandoná na Haitiweg mester tin un vehíkulo prosedente di ladronisia ku a ser laga atras. Ta trata di un vehíkulo marka Kia Rio ku a ser hòrtá i a laga patras di e kas bandoná den e kaya ariba menshoná. Polis ku a bai mesora na e sitio indiká enbèrdat a bin topa ku e vehíkulo. Remarkabel ta ku e vehíkulo tabata intakto esta ku ainda no a pluma esaki òf no a haña chèns pa kita piesa bai kuné. Polis a konfiská e vehíkulo bai warda kuné pa mas investigashon.