Vehíkulo ku a bai resultá den e pida mondi.
Willemstad— Polis mester a bai na e bahada di Seru di Domi den direkshon di Nijlweg pa un vehíkulo ku a resultá den mondi.
Un aksidente unda vários vehíkulo tabata envolví mester a surgi nèt na e bahada di Seru di Domi den direkshon di Nijlweg. Un di e vehíkulonan envolví den e aksidente mester a dal kontra di e vangrail pa despues kore den skual bai resultá den e pida mondi. Na e sitio mes tabatin sigur tres vehíkulo mas ku a forma parti di e aksidente. No tabatin daño personal pero si mester a pidi asistensia di un kran pa saka e vehíkulo for di den e pida mondi.