E outo ku a alkansá e bendedó di djus.
Biesheuvel- Den oranan di mainta polis mester a bai direkshon di Biesheuvel pa un aksidente unda un vehíkulo a alkansá un peaton.
https://fb.watch/v/ek9ZeGZyE/ (Link di nos “live broadcast)
For di investigashon realisá na e sitio a bin saka afó ku e hóben ku ta para bende djus na altura di krusada na Biesheuvel a keda alkansá pa un vehíkulo. E hóben mester a bai krusada kaya sin tuma nota ku ya e outo tabata basta serka. E dama shofùr a splika ku e aksidente a pasa asina lihé ku meramente e la haña chèns pa reakshoná. E impakto tabata unu basta fuerte kual a pone ku e hóben a risibí basta sla i tabata keha di doló interno. E vehíkulo su winshil a keda tur destruí despues di e impakto.
Mesora despues di e aksidente, diferente persona den trafiko a baha for di nan vehíkulo pa ofrese asistensha. E situashon na inisio tabata bastante prekupante. Dos hòmber deskonosí a yega na e sitio i kalma e situashon miéntras tabata trata na atendé ku e víktima bentá abou na suela i pegá ku e tayer. Por a nota tambe ku e dama shofùr tabata bastante prekupá i preferá na keda sintá den su vehíkulo. Unu dje promé nan na e sitio tabata e vehíkulo di Forensys ku a blòkia e kaminda pa trata na regulá tráfiko miéntras un shofùr di kran tabata duna asistensha pa duna tráfiko direkshon. Tráfiko pasando a keda stanká basta ratu debí na e situashon prekupante ku tabatin na Bieshuevel den oranan di djarason mainta.
Ku ambulans a transporte pa CMC pa tratamentu médiko. Polis di tráfiko huntu ku Forensys a keda enkargá ku e investigashon na Biesheuvel.