Back to Top
Vigilante banner image

Pa 95% e promé fiesta di Kòmbèk ta dia 12 di yüni


May 29, 2021 • 1 minüt pa lesa

WILLEMSTAD,—-Pa 95% dia 12 di yüni, lo bai tin e promé fiesta di Kòmbèk, pero esaki lo bai ta den un forma adaptá. T’asina ku ayera den oranan di anochi Vigilante Farándula a haña un yamada di un promotor ku a sugerí, pa wanta un ratu pa menshoná su nòmber.

Pero si e ker pa Vigilante Farándula ta e promé pa ta na altura ku pa 95% lo bai tin un fiesta di Kòmbèk, i ku lo bai tin kuater agrupashon musikal den e género en kuestion presente. E kuater agrupashonnan musikal lo bai ta Zudup Hopi Forsa, Classic XD, Sabor “S.O.” Original i Reinan di Kaya.

Mas aleu Vigilante Farándula a haña informashon ku Curaçao Festival Center lo bai ta e sitio kaminda ku e aktividat ta bai tuma lugá. T’asina ku pa otro siman Vigilante Farándula lo bai tin mas informashon rondó  di e aktividat ku ta  para pa bai tuma lugá dia 12 di yüni próksimo, kaminda ku ta bai tin kuater agrupashon musikal ku ta bai presentá.

Mester bisa aserka ku ya kada RoadManager di e kuater agrupashonnan ta na altura di e aktividat en kuestion. E moveshon aki sigur ta bai habri porta pa diferente otro aktividat nan bai tuma lugá. Pues sitio nan habri sin duda lo bai ta hopi aktivo, mirando ku por lo pronto lo no por bai tin aktividat den sitio nan sara ku erko.



Login