Willemstad,– Presidente di Konseho Supremo Elektoral señor Pacheco Romer a splika ayera ku pa loke ta e puesto number sinku di Almir Godett riba e lista di Trabou pa Kòrsou, ta asina ku lo no por kita su nòmber mas for di e lista.
E ta bisa ku esaki no posibel sigur mirando e echo ku ya e papel ku e lista di e partidonan a keda imprenta i ta kla pa bai urnanan djabièrnè 19 di mart.
E ta bisa na 1996 na Hulanda tabatin un kaso kasi similar, ora ku nan a tira Pim Fortuyn mata nèt promé ku elekshon i el a risibí mas ku un mion voto i tur e votonan a keda bálido.
E ta bisa ku den e kaso ei esunnan ku a sigui riba e lista a drenta ”Tweede Kamer. Pues e votonan ku señor Godett lo risibí, lo ta bálido i lo konta pa e partido Trabou pa Kòrsou.
“Pues tur e votonan ku e persona haña, lo bai pa e partido pues lo kuminsá djariba bai abou i pues si e lo mester drenta parlamento, e number sinku lo drenta na su lugá i asina ta sigui bai abou”, pues presidente di Konseho Supremo Elektoral señor Pacheco Romer.