“Mi ta malu bèrdat pero mi no ta muriendo”
WILLEMSTAD,—-Ya tin tres siman kaba ku tin rumor nan ta sirkulá tantu den kaya,pero tambe riba ret sosial ku e artista Hulandes Peter van der Pligt ta malu i ku e ta bin Kòrsou pa asina tuma despedida di su hende nan pa dje regresá Hulanda i pone fin na su bida (euthanasia).
Ta asina ku ayera parti mainta Vigilante Farándula a haña un yamada kaminda ku e persona a duna di konosé ku Peter van der Pligt ta disfrutando di dje na un laman,esaki a pone ku mes ora Vigilante Farándula a sali na kareda pa asina por topa ku Peter i den mes un rosea sostené un entrevista kuné riba e plataforma di FaceBook di Vigilante Media Curaçao.
Esaki ta loke ku a sosodé tambe i mester bisa ku Peter ta un persona habri i hopi amikal kaminda ku na niun momentu so e no a duda ta tuma un entrevista ku Vigilante Farándula. Ta asina ku Vigilante Farándula a bisa Peter di e rumor nan ku ta sirkulá riba kaya i den mes un rosea Peter a duna di konosé ku. “E loke nan ku tin papia den kaya i tambe den media no ta manera ku nan ta bisa. Mi ta malu bèrdat pero no asina malu manera ku ta ser bisa,niun hende no por bisa ki dia e por ta aki seis luna,pero e por ta aki 1 aña tambe i asta mas largu. Pero pa awor aki mi ta na Kòrsou kaminda ku mi ta disfrutá kada sekònde di dia i tambe mi ta trata di bishita tur mi hende nan paso mi no sa ku na momentu ku mi regresá Hulanda mi por bolbe bèk. Mi ta stima Kòrsou i mi no or lubidá kon mi a wòrdu karga na aña 1992 te ku awor aki”.
Ta bon pa bisa ku si dado kaso bo no a mira e entrevista en kuestion,djis subi riba e página di FaceBook di Vigilante pa asina bo mes wak e entrevista i tende kiko Peter van der Pligt mes ta bisa tokante tur loke ku ta pasando kuné. Un entrevista ku a sa di hala bastante atenshon ayera mainta riba e plataforma di FaceBook di Vigilante media Curaçao.
Peter van der Pligt huntu ku Kòrá Faneite ku ta reportero di farándula di Korant Vigilante.