Back to Top
Responsive image
E korant di pueblo

Panamá ta sera frontera ku Colombia debí na preokupashonnan pa COVID-19


May 21, 2021 • 1 minüt pa lesa

Foto di luna di febrüari último, unda personanan ta den fila pa kumpra ticketnan na e frontera Colombia i Panamá.

PANAMA CITY – E gobièrnu di Panamá a disidí di suspendé e entrada, tantu via tera, marítimo i shelu, di tur persona ku ta bini di e frontera ku Colombia. Esaki a ranka sali for di oranan di ayera, djaweps 20 di mei, segun a keda informá pa e Ministerio di Relashonnan Eksterior di e pais via di un komunikado.

E anunsio a keda hasí algun ora despues ku e gobièrnu kolombiano a emití un resolushon di e Ministerio di Interior di e pais, den kua ta determiná e apertura di e pasonan marítimo, terestre i shelu na e frontera komun, entre ámbos nashonnan.

Segun esaki nan e indiká, Panamá ta manifestá su preokupashon pa ku e desishon di e gobièrnu di Colombia. Ta trata aki, segun e komunikado ta indiká, ku e medida aki ta pone tur e avansenan lográ pa tur panameño kontra e pandemia di COVID-19, keda poné na peliger. Esaki naturalmente ademas di e seguridat na frontera i e kòntròl di fluho nan migratorio.

Login