Back to Top
Vigilante banner image

Pareha detené na Roma pa sklabisá nan yu muhé


November 29, 2022 • 1 minüt pa lesa

E víktima mes a presentá na un warda di polis na òktober.

ROMA – Un pareha a keda detené na Roma akusá di sklabisá i provoká leshonnan korporal grave na nan yu muhé di 14 aña, kende a keda obligá durante añanan ku violensia físiko pa realisá tareanan doméstiko i pidi sèn na un supermerkado.

E mayornan, ámbos di Bosnia, tambe ta sospechoso di plan un matrimonio pa e hobensita ku un deskonosí, esaki a kambio di plaka. Tur esaki apesar di e negativa di e menor mes, kende a relatá loke ku a sosodé na e investigadornan despues di a presentá na un warda di polis, na luna di òktober tras di lomba.

E menor di edat, kende a intentá di kometé suisido na vários okashon, a keda trasladá na e momentu ei pa un sentro di protekshon di menor, unda ainda ta permanesé. Esaki miéntras ku den oranan di djadumingu tras di lomba su tata, di 41 aña, a keda detené i e mama, di 36, a keda poné den un detenshon domisiliario.

Segun e wes di instrukshon di Roma, kua tin e kaso, ta trata aki di personanan violento, kende nan ta desidido na optené fuentenan ekonómiko pa satisfakshon di nan nesesidatnan personal, kontra nan propio yu muhé.

E plan tras di e agreshonnan violento, tabata pa mantené e víktima den un estado di sometementu pa asina eksplot’é.

Inkluso a indiká ku maestronan di e menor tabata ripará algu straño, pero leu di mustra di tin ku nes, no a duda na gòlpia esaki mas. Tur esaki ku e ophetivo evidente di evitá intervenshon di servisionan sosial i polisial.

Login