Back to Top
Responsive image
E korant di pueblo

Parke na Sta Rosa ta karga nòmber di Ricardo Elhage


May 7, 2021 • 2 minüt pa lesa

WILLEMSTAD—Banda di e hasi desvelo di bòrchi di baluartenan deportivo Teofilo ‘Chofi’ Veld i tambe Antonio Alvarino ‘Bubu’ Melfor, a pone atenshon na Ricardo Elhage tambe.

Tur esaki tabata djasabra último, unda a pone bòrchi ku kara di e baluartenan aki, na e respektivo parkenan ku ta karga nan nòmber.

Deporte Vigilante a pone atenshon djarason último, na ‘Chofi’ Veld, despues di e desvelo di e bòrchi ku su kara na parke di beisbòl den bario di Koral Specht i ayera na tereno ‘Bubu’ Melfor, ku ta e tereno ku e ekipo di futbòl Centro Barber, ta karga su nòmber.

Finalmente awe ta fecha pa dediká tambe awor na Ricardo Elhage, kende ta persona ku e parke di beisbòl den bario di Sta Rosa, situá patras di Sabana Ballpark, lo karga su nòmber pa semper. Mandatario i dirigentenan deportivo i di e parke, huntu ku personanan yegá na Ricardo Elhage, ku kompaño di miembronan di prensa deportivo, tabata presente na momentu di e parti ofisial, ku a tuma lugá den oranan di mainta.

Pues awe ta kompartí ku abo komo fiel lektor, informashonnan relashoná ku Ricardo Elhage tambe.

Ricardo Elhage a nase na Kòrsou dia 30 ougùstùs 1931 i tin 3 yu hòmber i 4 yu muhé. Ricardo Elhage a traha hopi aña na ‘Departement Cultuur en Opvoeding’,  kaminda e la fungi komo hefe interino durante algun aña.

Tambe Ricardo tabata hefe na ‘Buro Nederlandse Antilliaanse Sportaangelegenheden’.

Durante di su trayektoria den deporte, Ricardo tabata presidente di entre otro:

  • NAOC:           Nederlands Antilliaans Olympisch Committee
  • NABAFE:       Nederlands Antilliaans Baseball Federatie
  • FEBEKO:        Federashon di Beisbòl di Kòrsou
  • Sta. Rosa Indians Baseball Club
  • Stichting Tio Daou Ballpark

Mas aleu tambe e tabata miembro di direktiva di entre otro:

-IBA:               International Baseball Association

– ODECABE: Organisacion Deportivo Centro-Americana y del Caribe

– COPABE:     Confederacion Pan-Americana de Baseball

Miéntras ku e tabatin e honor di por tabata den i/òf a risibí:

  • Ridder in de Orde van de Nederlandse Leeuw
  • Gouden Medaille Europees Parliament  
  • Orden de Andres Bello Primera Clase
  • Olympic Order

Finalmente mester menshoná ku Ricardo Elhage, tambe tabatin funshon polítiko, unda ku e la sa na fungi, entre otro komo:

Miembro di Eilandsraad

  • Diputado di Volksgezondheid, Domeinbeheer, Sociale Zaken en Veternaire Dienst van het Eilandsgebied Curaçao
  • Minister van Onderwijs, Sport, Cultuur en Recreatie van de Nederlandse Antillen
  • Miembro di Staten
  • Presidente di Staten di Antia Hulandes
  • Presidente di Latijns-Amerikaans Parlement
Login