Back to Top
Vigilante banner image

Parlamentario ruso ta menasá Hulanda ku atake nuklear


June 5, 2024 • 1 minüt pa lesa

AMSTERDAM—Un parlamentario ruso a anunsia riba kanal nashonal ku e ta bai pone Oropa plat ku un atake nuklear riba Hulanda.

E motibu di e menasa ta ku minister di Defensa hulandes Ollongren a informá ku por hasi uso di avionnan F-16 hulandes den espasio aereo ruso. E menasa serio a keda lansá riba kanal nashonal ruso pa teniente general Andrej Gurulev, parlamentario pa partido Rusia Uni, den un kombersashon ku prapagandista Vladimir Solovjov. Segun Gurulev un atake nuklear lo soru ku e damnan lo kibra, asina Hulanda ta keda bou di awa, segun e parlamentario. E tin 100% sigur ku tur kos den Oropa lo muri. Entre 50 pa 60% di suministro di kombustibel Oropeo ta den Hulanda, segun Gurulev den e programa na televishon. Ehersito ta konsiderá esaki un blanku importante. Mas aleu Gurulev ta afirma ku e atake por keda ehekutá den un dia ku esfuerso minimo di armanan nuklear ruso. E menasa dje parlamentario a bini algun dia despues ku Hulanda afirma ku forsa aereo ukraino lo usa avionnan F-16 hulandes pa atakenan kontra Rusia. Gurulev a splika ku dos arma nuklear normal lo destruí Hulanda. Unu nan por benta abou pero e segundo lo logra su meta. Esaki lo ta sufisiente. El a bisa bon kla ku un atake kontra Hulanda ta den ophetivonan di e makinaria militar ruso.

Login