Willemstad,– Kòrsou no tin sufisiente plaka pa kubri tur e gastunan ku nan mester awor aki pa mantené e ministerionan den funshon i tambe kubri e benefisio nan di asistensia sosial, asina e minister di finansa señor Javier Silvania a bisa.

Den e sentido aki, e mandatario a hasi un yamada na parlamento pa aprobá e lei tokante di rekorte salarial pa minister i parlamentario nan.

Ku esei e minister lo spera ku Hulanda lo prosedé un di nuebe kota pa ku e yudansa finansiero. Segun minister Silvania, Kòrsou lo mester ratifiká e akuerdonan ku Hulanda a sera ku gabinete Rhuggenaath mas lihé posibel. E apoyo finansiero di Hulanda ta di 75 mion florin pa awor aki. Parlamento no a ratifiká esaki i a pasa un moshon si pa bisa gobièrnu pa tene kuenta ku Raad van State i Raad van Advies. Segun e moshon, a duna aprobashon pa bai hasi tur lokual pa trese sen den kaha.