Back to Top
Vigilante banner image

Partido KEM ta boga pa aselerá e proseo kambio lei sueldu minimo


March 27, 2023 • 2 minüt pa lesa

Ta spera tratamentu di e lei di inisiativa(Landsverordening tot wijziging van de Landsverordening minimumlonen, P.B., no. 110), den próksimo siman di reunion di parlamentu.

Willemstad—-Partido KEM a nota, ku a surgi  un tardansa den E proseso, pa eliminá e diskriminashon, ku a bin ta eksistí i tuma lugá serka personanan, den e kategoria di 18 pa 21 aña òf mas grandi.

Enseñansa obligatorio ta aprobá na 18 aña di edat i ta hustu pa suèldu mínimo wòrdu ahustá igual na e edat di 18 aña òf mas. Tur esaki ta tuma lugá ainda,  apesar ku presonan for di 18 aña di edat ta partisipá kompletu riba merkado laboral. E pago NO ta igual konforme e ponensia trabou igual, pago igual. Aktualmente hóbennan di 18-20 aña di edat ta risibí 25% ménos di pago, pa trabou igual ku esnan ku tin 21 aña di edat òf mas! Esaki ta inhustu i ta demotivá e hóbennan aki, pa drenta i partisipá den/riba merkado di trabou.

E tardansa ku a surgi ta, pa motibu ku indieners, despues di a entregá na parlamentu un inisiativa di lei i a manda esaki pa konseho na SER, pa medio di un karta ku fecha di dia 16 di òktober di aña 2020, numerá 0036-1V20-21, a bolbe manda otro inisiativa di lei, ku e mesun tópiko(suèldu mínimo), pa konseho serka SER pa konseho dia 16 di desèmber di aña 2022. Akinan por mira, ku e tardansa ariba menshoná ya ta di tres(3) aña.

Frakshon KEM ta eksigí un aseleramentu den tratamentu di esaki. For di novèmber di aña 2022 esaki ta na parlamento ta warda kambionan wòrdu hasi pa esaki su tratamentu. Ta solamente kambio di 2 artíkulo(baha edat di 21 aña pa 18 aña, kambia 9,62 pa ora i hasi esaki 10,70 pa ora) i pa kambia opservashonnan hurídiko/tékniko a ser proponé. Esakinan ta fásil pa trese kambionan nesesario, di moda ku e inisiativa di lei aki ta bolbe bai SER, pa E konseho final. Despues di esaki e tin di bai tambe RvA, pa konseho, Komishon Sentral i finalmente reunion públiko.

Frakshon KEM ta spera, ku esaki ta bini kla promé ku luna di ougùstùs 2023 yega, kua ta fecha/luna, ku ta wak si mester indeksá òf oumentá sueldo mínimo.

Frakshon KEM, ta aploudí e echo, ku SER e biaha aki si, ta di akuerdo ku e kambio di lei presentá pa partido MAN. Mester aselerá tratamentu di e lei di inisiativa aki, pa evitá kambiamentu di posishonamentu, ku por peligrá e kambio aki na bienestar di hóbennan di Kòrsou di 18 aña pa 20 aña.

Login