Back to Top
Vigilante banner image

Pashèntnan hòspitalisá di Covid: 4% so ta kompletamente bakuná


September 30, 2021 • 2 minüt pa lesa

Ménos ku 4% di hospitalisashonnan lokal ta enserá personanan kompletamente bakuná.

PUNDA- Análisis riba status di bakunashon di personanan ku a keda infektá ku e vírus di SARS-CoV-2 durante e terser ola ku Kòrsou ta eksperensiando ta mustra ku gran mayoria di esnan infektá no ta bakuná.

Djaweps siman pasá durante e relato di dia, Lesley Fer a duna di konosé ku gobièrnu di Kòrsou ta alargá tur medida ku 3 siman debí ku e kasonan aktivo di Covid-19 aktual no ta bahando. E siman aki por tuma nota ku e kasonan di Covid-19 no a disminuí pero tampoko a oumentá. Pa loke ta trata sifras di hospitalisashon, e siman a habri ku 28 persona hospitalisá. Tambe tabatin dos morto okashoná pa Covid-19. Tek u ayera djárason, CMC tabatin 31 persona hospitalisá di kual 13 ta risibí kuido intensive pa motibu di Covid-19.

Tur siman gobièrnu di Kòrsou i tim di epidemiologia ta analisá e kantidat di personanan bakuná i esnan no bakuná ku ta keda hospitalisá. E siman aki, e resúmen semanal ta raportá ku entre 22 yüli te ku 27 di sèptèmber un total di 181 persona a keda hospitalisá pa motibu di Covid-19. For di e kantidat aki un total di 7 persona so tabata kompletamente protehá. Si tradusí e sifra aki den porsentahe por konkluí ku únikamente 4 porshento di personanan hospitalisá pa Covid-19 ta kompletamente bakuná. Di 181 persona, un total di 169 persona no a bakuná. Mas aleu, e resúmen ta raportá ku di e 181 persona, 4 persona a risibí solamente un shòt di bakuna i 1 persona a haña Covid-19 den ménos ku 2 siman despues di su di dos bakuna.

Ounke ku e grupo di personanan kompletamente bakuná aki na Kòrsou ta mas grandi ku e grupo di persona no bakuná, tòg 96% di hospitalisashon ta den e grupo mas chikí kual no ta bakuná. Ta un echo ku bakuna ta yuda kontra enfermedat severo i hospitalisashon. Segun dr. Gerstenbluth, a lo largo si mas hende bakuná nos poblashon lo ta mihó protehá.

Login