E úniko pir ku tin na Kura di Buriku unda e piskadónan por mara nan boto.
Willemstad- Ya pa basta aña piskadónan ku ta mara nan boto na Kura di Buriku tin nèt un pir so pa hasi esaki.
Dos di e pirnan ku tin einan ya pa basta aña kaba ta den un estado deplorabel i ku nan no ta sirbi mas. Piskadónan ku a kustumbrá mara nan boto na e sitio ei mester maniobra pa asina por logra di mara tur e boto na un pir so. Mester drecha e área tambe pa asina ora ku nan yega pa nan bai piska nan tin un kaminda trankil ku nan por rekreá. No ta na Kura di Buriku so tin e problema ku pirnan ta den situashon deplorabel, pero na Caracasbaai tambe esaki ta e unda piskadónan ta sklama pa yudansa di parti gobièrnu. Hopi di e piskadónan ta di piskamentu nan ta biba i asta esei ta skars na e momentunan aki pa nan.