Back to Top
Responsive image
E korant di pueblo

Plachi di marmer ta kai riba man di trahadó


May 15, 2021 • 1 minüt pa lesa

Rio Canario- Den oranan di mèrdia polis,e tim di reskate di  brantwer i  tambe ambulans mester a bai direkshon di Island’s Best Windows & Doors na altura di Rio Canario  pa un trahadó ku a sufri leshon na momento ku e tabata deskargando un kònteiner.

Na yegada di  Polis i tambe e tim di reskate di brantwer nan a keda informá ku tabatin algun trahadó deskargando plachinan basta pisa di marmer. Dado momento e kargamentu di marmer a len di banda pone ku dos trahadó a keda atrapa entre e plachinan di marmer. Un di nan a logra saka su man miéntras e otro si su man a keda pega bou di e plachinan. Mesora e tim di reskate di Brantwer i tambe algun trahadó a drenta akshon pa asina aliviá e trahadó ku su man a keda pega.

A hasi uso di un lòli i tambe otro makinarianan di e tim di reskate pa asina por a lanta e plachinan di manera ku e trahadó por a saka su man. Despues di basta lucha a logra liber e trahadó su man. Mesora e la haña asistensia serka e personal di ambulans ku ya tabata na e sitio. Mesora a pone e personal di servisio di seguridat na altura pa presentá na e sitio pa hasi investigashon si e trabounan tabata tumando lugá segun regla.

Login