Back to Top
Vigilante banner image

Plaka di Mafia Ruso sin klaridat riba kuentanan Banko Sentral


February 9, 2023 • 2 minüt pa lesa

2019: na 2019 batayon di abogado den korte sivil pa bringa kuentanan konfiská.

Skalo—Un investigashon di RST kualifiká komo “Ametista”, tabata un investigashon pa determiná orígen di sumanan mionario di fris riba kuentanan di Banko Sentral. E kaso nunka a yega Korte Penal, pero na Kòrsou tin korte sivil tabatin diferente tratamentu sin nunka Banko Sentral i tampoko Prokurador General a emití mas informashon

Un investigashon di ekspertonan forensiko a konkluí ku entre 300 pa 360 mion florin di fris na Banko Sentral ta originá fo’i labamentu di plaka. Banko Sentral ta kuestioná e suma menshoná den e rapòrtnan. Despues di un rueda di prensa, direktor di Banko Sentral a splika na Vigilante ku e ta “asombrá riba e suma ku ta hopi mas abou di lokual e rapòrtnan presentá den korte tabata indiká. 25 di yüni 2019, e kompania Compliance Services Caribbean (CSC)  a entrega un rapòrt na abogadonan di Banko Sentral unda nan a konkluí ku e montante menshoná ta di labamentu di plaka.

E abogadonan di Banko Sentral a ordená e ekspertonan forensiko di hasi e investigashon. Esaki despues ku e grupo di kompanianan, entre nan mayoria ruso esta: Corbiere Trust Company, Rysaffe Trustee, Saffary Trustee, Emperor Trust, Moules Trust, October Limited i Taxi Holdings, a kuminsá un proseso sivil pa rekuperá nan sèn bek, en total kasi 360 mion dòler. E bataya ta importante pa Kòrsou, pasobra e abogadonan ta akusá e grupo di kompania di a depositá plaka ilegal riba kuentanan di e banko FCIB, kual banko despues a keda konfiská pa Banko Sentral. Segun e abogadonan di Banko Sentral, tur e sèn, entre 300 pa 360 mion florin ta asigná pa bai un kuenta intermediario.

E rapòrt di CSC a konkluí lo siguiente: “The information received and reviewed leads to the conclusion that there is a reasonable suspicion that the initial funds to the Trusts were derived and/or are connected to money laundering activities “. Wes mr Veling kende a trata e kaso na 2019, promé di duna un veredikto final, a opta pa skùif un di dos.  Pa tal motibu den un veredikto intermediario riba 26 di ougùstùs 2019, Veling a splika ku e tei manda un lista di pregunta pa Ministerio Públiko por kontesta riba orígen di e sèn i si esakinan ta ilegal. E wes a manda puntra e siguiente preguntanan ku nunka mas a keda kontestá. 1. Kon leu e investigashon Ametista ta 2. E banko FCIB ta sospechoso den e kaso?. 3. Dentro di kuantu tempu ta bai tuma pasonan konkreto den e kaso? . 4. Tin mas posibilidat riba orígen di e sèn riba e kuentanan. E wes a duna un veredikto sin nunka a risibi e kontestanan. Despues di e kaso en kestion, no tabatin mas informashon riba e plaka ku tabata di fris riba kuentanan di Banko Sentral.

Login